Mae gofal o safon yn dechrau gyda hyfforddiant o safon.

Mae hyfforddiant gyda Chymorth Llaw yn orfodol o dan delerau ac amodau cyflogaeth. Mae’r cwmni hefyd yn cefnogi ei weithlu rheng flaen i gofrestru gyda Gofal Cymdeithasol Cymru, sy’n orfodol ar ôl 6 mis o gyflogaeth.

Mae pob gweithiwr sy’n gweithio mewn rôl gofal uniongyrchol (Gweithwyr Gofal) yn cwblhau hyfforddiant safonau sefydlu cyffredin o’r safon uchaf bosibl, yn unol â Datblygiad Proffesiynol Parhaus. Cwblheir hyn drwy hyfforddiant ardystiedig neu ddyfarniadau dysgu.

Mae Gweithwyr Gofal yn cwblhau rhaglen hyfforddi fewnol sydd wedi’i chynllunio’n benodol ac sy’n berthnasol i’w rôl. Caiff staff gefnogaeth a phob cyfle i ddilyn cymwysterau proffesiynol mewn Iechyd a Gofal Cymdeithasol (Diplomâu lefelau 2, 3 ac uwch). Mae staff yn ennill cymwysterau lefel diploma wrth weithio.

Mae gweithwyr Cymorth Llaw yn derbyn hyfforddiant sy’n mynd y tu hwnt i’r hyn sydd ei angen i gyrraedd y safonau gofynnol cenedlaethol. Mae staff hefyd yn derbyn hyfforddiant pellach, ychwanegol ac arbenigol, gan eu helpu i fod ar flaen y gad o ran darparu gwasanaethau yng Ngogledd Cymru.